മതസൗഹൃദം

                 ലോകത്ത് ഏറ്റവുമധികം  ഉള്ള ഒരു ബന്ധം എന്ന് തന്നെ സൗഹൃദത്തെ  വിശേഷിപ്പിക്കാം.. പ്രായ-ലിംഗ - വര്‍ഗ ഭേദമില്ലാതെ സൗഹൃദങ്ങള്‍ ഉണ്ടാവാറുണ്ട്. മറ്റു ബന്ധങ്ങളേക്കാള്‍  നീണ്ടു നില്‍ക്കുകയും ചെയ്യാറുണ്ട്. അതിലധികം ആഴവും ഉണ്ടായേക്കാം. എന്നാല്‍ ഇന്ന്  വ്യത്യസ്ത ലിംഗങ്ങളില്‍   ഉള്ളവരുടെ സൗഹൃദത്തെ  അംഗീകരിക്കാന്‍ സമൂഹത്തിനു മടിയാണ്. അതിന്റെ ഏറ്റവും നല്ല ഉദാഹരണമാണ്  "സദാചാര പോലിസിംഗ്".   ഇവന്മാരെ പേടിച്ചു സഹോദരിമാര്‍ക്ക് പോലും ബൈക്കില്‍ കയറാന്‍ ഭയമായി തുടങ്ങിയിരിക്കുന്നു.കുറെയൊക്കെ സമൂഹം ഇതില്‍ നിന്നും മാറി വരുന്നുണ്ട് എന്ന് വേണം പറയാന്‍. വളരെ കുറച്ചു മാത്രം.
       
               എന്നാല്‍ ആണും പെണ്ണും വ്യത്യസ്ത മതമായാല്‍ പ്രശ്നം ഇതിലും ഭീകരമാകും. അഭുദയകാംക്ഷികളുടെ  എണ്ണം കൂടും. എങ്ങനെയും ആ സൗഹൃദത്തെ  പ്രണയം ആക്കിയെ അവര്‍ അടങ്ങൂ .. അങ്ങനെ ആ സൗഹൃദത്തെ  നശിപ്പിക്കുന്നു. എന്നാല്‍ ആ സൌഹൃദം അവസാനിച്ചു കഴിഞ്ഞാല്‍ മുന്പ് നമ്മുടെ  അഭുദയകാംക്ഷികളായി അഭിനയിച്ച ഒരു "മഹാനും" നമ്മുടെ ഒപ്പം ഉണ്ടാവുകയില്ല. ഈ മഹദ് വ്യക്തികളുടെ ഏറ്റവും വലിയ പ്രത്യേകത  ഇവര്‍ ഈ രണ്ടു പേരെ മാത്രമേ കാണു. അവര്‍ അടുത്ത ഇരയെ തേടി  പോയിട്ടുണ്ടാവും. ഈ സ്ഥിതി വിശേഷം മനസ്സിലാക്കാതെ നശിച്ചു പോയ നല്ല സൌഹൃദങ്ങള്‍ ഒരുപാടുണ്ട്.
             
                  മതങ്ങള്‍ക്ക് ഭയമാണ് അവര്‍ പരസ്പരം സ്നേഹിച്ചാല്‍.. മതത്തിനു അതീതമായ ബന്ധങ്ങള്‍ ഉണ്ടായാല്‍ പിന്നെ മതത്തിനു എന്ത് പ്രസക്തി എന്നവര്‍ ഭയക്കുന്നു, ഇങ്ങനെ ആരെങ്കിലും സുഹൃത്തിന്റെ മതത്തില്‍ ചേര്‍ന്നാലോ എന്ന ഭയവും ഉണ്ട്. മത സൗഹാര്‍ദത്തെ  വാനോളം പുകഴ്ത്തുന്നവര്‍ പോലും ഇത്തരം സൌഹൃദങ്ങള്‍ക്ക് എതിരാണ്.

ഇങ്ങനെയുള്ള കപട അഭുദയകാംക്ഷികളെ ഭയന്ന്‍ സൗഹൃദം. അവസാനിപ്പിക്കും മുന്പ് ആലോചിക്കുക .
1) ഈ പറഞ്ഞവരൊക്കെ മുന്പ് നിങ്ങളുടെ കാര്യങ്ങളില്‍ നല്ല രീതിയില്‍ ഇടപെട്ടിട്ടുണ്ടോ ??
2) നിങ്ങളുടെ ഈ വിഷയത്തില്‍ മാത്രമാണോ ഇവര്‍ക്ക് താല്‍പ്പര്യം??
3) സൗഹൃദം ഉപേക്ഷിച്ചാല്‍ ഇവരാരെങ്കിലും ആ നഷ്ടം നികത്താനെത്തുമോ ??

മറ്റുള്ളവരുടെ വാക്ക് കേട്ട് സൗഹൃദം ഉപേക്ഷിച്ചവര്‍ / ഉപേക്ഷിക്കാനിരിക്കുന്നവര്‍  ഒരു വട്ടം കൂടി ഒന്ന് ചിന്തിക്കുക

Transit of Venus 2012 (TOV)

                           We all know "what is solar eclipse?". Solar eclipse happens when moon passes between earth and sun. Moon will block sun. There are two types of solar eclipses 1) Total and 2) Annular In Total solar eclipse moon will completely cover the sun and sun becomes completely invisible. But in Annular eclipse moon cannot completely cover the sun. so when moon passes we can see an annular ring of sun. 

2004 transit of Venus

                           Transit is also a phenomenon like eclipse the only difference is that moon is replaced by planet Venus. Venus is very much larger than moon but it cannot cover the sun completely. Because Venus is very distant from our earth. So it appears as a very small dot on sun.

                On coming June 6th you can see such a sun with a small "beauty spot" on its face. Last TOV was in 2004 June 8th. But the next one will occur on 2117 December 11. During the orbiting around the sun Venus will cross earth in every 584 days. But TOV's are rare phenomenon. Since there is a difference of 3.39 degree between the plane of orbiting of Venus and earth around sun. So all of you get ready its your last and final chance to observe TOV. On June 6th morning moon will rise with a small dot on his face and it move through the face and become invisible at 9.52am. You can use solar filters to observe the sun. Or you can make a small projection of sun on a screen simply with the help of a ball and mirror arrangement. Its very simple to construct. Take a small plastic ball and fill half of its volume with sand and seal it. Fix a small piece of mirror on the face of it. Ball and mirror arrangement is ready. You can place it anywhere and reflect the sun light to a distant screen now u can see a circular shaped image on the screen even if the mirror is not circular. This circular image is sun. 

ഒരു പഴയ ഡയറിക്കുറിപ്പ്‌ 15-1-12

             

                പ്രൊജക്റ്റ്‌ എഴുതണം എന്ന് കരുതി രാവിലെ ഇരുന്നതാണ്. "ശല്ല്യം" ചെയ്യാന്‍ കുരുവികള്‍ ആദ്യം എത്തി. അരികില്‍ ക്യാമറ ഉണ്ടായിരുന്നു, ഞാന്‍ എടുത്തില്ല, കിളികളെ നോക്കാനും പോയില്ല. പഠനമാണ് മുഖ്യം. പക്ഷെ പ്രോജെക്ടില്‍  ശ്രദ്ധിക്കാന്‍ കഴിയുന്നില്ല. 

               അപ്പോഴാണ്‌ അര്‍ദ്ധ നഗ്ന്നയായ കണിക്കൊന്നയിലെ അണ്ണാറക്കണ്ണന്‍ എന്റെ കണ്ണില്‍ പെട്ടത്. മുരിങ്ങക്കായ പോലെ തൂങ്ങിക്കിടക്കുന്ന കണിക്കൊന്ന കായ്കള്‍ അവ ഉണങ്ങിയവയാണ്. അതിലെ അരികള്‍ തിന്നുകയാണ് അവന്‍. ഇനിയും മനസ്സിനെ നിയന്ത്രിക്കാന്‍ എനിക്കാവില്ല. പ്രോജെക്റ്റ്‌ നാളെ എഴുതാം. ഞാന്‍ ക്യാമറയുമായി അവനോടൊപ്പം ചേര്‍ന്നു. 

തലകീഴായും ചാഞ്ഞും ചെരിഞ്ഞും എല്ലാം അത് കൊമ്പുകളില്‍ ചാടി  കളിച്ചു. അത് എനിക്ക് വേണ്ടി പോസ് ചെയ്യുകയാണ് എന്ന് ഞാന്‍ വെറുതെ അഹങ്കരിച്ചു. കുറെ ചിത്രങ്ങളെടുത്ത് ഞാന്‍ തിരികെ വന്നു എഴുതാനിരുന്നു. 

               മരചില്ലകള്‍ക്കിടയില്‍ ചുവന്ന കണ്ണുമായി ഒരു പുള്ളിക്കുയില്‍. സമ്മതിക്കില്ല. ഞാന്‍ വീണ്ടും ക്യാമറ എടുത്തു. പിന്നീട് കുരുവി, ഉപ്പന്‍, മൈന അങ്ങനെ പലതും. ഒടുവില്‍ എഴുത്ത് നടക്കില്ല എന്ന് ഉറപ്പായി. ഒടുവില്‍ ഞാന്‍ ഒരു മരത്തില്‍ ഇരിപ്പുറപ്പിച്ചു. സാധാരണ ഞാന്‍ അവിടെ ഇരുന്നാല്‍ കിളികള്‍ ഒന്നും അടുത്ത വരില്ല. ഇന്ന് പതിവിനു വിപരീതമായി മൂന്നു നാല് കുരുവികള്‍ എന്റെ അടുത്ത വന്നു. അതിലൊരു കുരുവി മരത്തിലെ ചെറു പഴം കൊത്തി ചുണ്ടില്‍ വച്ചിരിക്കുന്നു. അത് കടിച് പൊട്ടിക്കാന്‍ പാവം ബുദ്ധിമുട്ടുന്നു. അകത്താക്കാനോ  തുപ്പാനോ  വയ്യാത്ത സ്ഥിതി. ഒടുവില്‍ അത് ആ കായ്ക്കുള്ളിലെ മധുരമുള്ള ചാറ് ഊറ്റിക്കുടിച്ചു. താഴത്തെ കൊമ്പില്‍ ഒരു ഓലേഞ്ഞാലി ഇരുന്നത് ഞാന്‍ കണ്ടില്ല. കുരുവിയോടൊപ്പം തിരക്കിലായതിനാല്‍ ഞാന്‍ ശ്രദ്ധിച്ചില്ല. എന്നോട് അത് പിണങ്ങിയെന്നു തോന്നുന്നു. എന്തൊക്കെയോ എന്നെ പറഞ്ഞു കൊണ്ട് അത് ദൂരേക്ക്‌ പറന്നു പോയി. കാക്കയും കുരുവിയും കരിയിലക്കിളികളും ഒക്കെ ഇപ്പോഴും എന്നെ സുഖകരമായി ശല്ല്യം ചെയ്യുന്നു. 

              പ്രകൃതിയോടിണങ്ങി ജീവിക്കാന്‍ ഓരോ ജീവിക്കും എന്തെല്ലാം അനുകൂലനങ്ങള്‍ ആണ്. മരത്തിലെ കായ്കള്‍ തിന്നുന്നവക്ക് ചെറിയ ചുണ്ടുകള്‍, തേന്‍ കുടിക്കുന്നവക്ക് നീണ്ട ചുണ്ടുകള്‍. 

              പുള്ളിക്കുയില്‍ വീണ്ടും വന്നു. അത് മുറ്റത്തെ മുള്ള് വേങ്ങയില്‍ ഇരിക്കുന്നു. ഒരു ശലഭം പൂക്കളില്‍ നിന്ന് പൂ പോലും അറിയാതെ തേന്‍ കുടിക്കുന്നു. അണ്ണാന്‍ മരക്കൊമ്പുകളില്‍ ചാടിക്കളിക്കുന്നു. 

                മുള്ളുവേങ്ങയുടെ ഇലകളെല്ലാം പുഴുക്കള്‍ തിന്നിരിക്കുന്നു. തിന്നോട്ടെ... "ആ പുഴുക്കലെല്ലാം ഒരു നാള്‍ പറന്നു വരും".. ദൂരെ കുരുവികള്‍ പൂക്കളില്‍ നിന്ന് തേന്‍ നുകര്‍ന്ന് കളിക്കുന്നു. ക്യാമറക്ക് കന്നുകലെക്കാള്‍ പരിമിതികള്‍ ഉണ്ട്. മനസ്സിനൊപ്പം എത്താന്‍ കന്നിനാവും ക്യാമറക്ക് ആവില്ല. കണ്ണ്  ഉപയോഗിച്ച ഞാന്‍ അവയെല്ലാം മനസ്സില്‍ പകര്‍ത്തി. 

                 കാട്ടിലേക്ക് പോകും മുന്പ് നാട്ടില്‍ നിന്ന് തുടങ്ങാം.. പ്രകൃതിയെ അറിയാനുള്ള ബാല പാഠങ്ങള്‍ ഇവിടെ തുടങ്ങാം...

                പൂക്കള്‍ക്ക് നോവാതെ പൂന്കൊമ്പ് ഓടിയാതെയും എങ്ങനെ തേന്‍ കുടിക്കുന്നു എന്നും, ചെടി പോലുമറിയാതെ കായ്കള്‍ തിന്നുന്നുവെന്നും നമുക്ക് പഠിക്കാം... സഹജീവിയെ വേദനിപ്പിക്കാതെ ജീവിക്കാന്‍ പഠിക്കാം.. "പ്രകൃതിയെന്ന പാഠപുസ്തകത്തില്‍" നിന്ന്... മനുഷ്യന്‍ ഒഴികെയുള്ള സമസ്ത ജീവെജാലങ്ങളില്‍ നിന്നും പഠിക്കാനുണ്ട്....ഒരുപാട്....

ഇത് സൗഹൃദം...

ഞങ്ങള്‍ ഒന്നിച്ച് നടന്നു 

നീ പറഞ്ഞു ഞങ്ങള്‍ പ്രണയത്തിലാണെന്ന് 

ഞങ്ങള്‍ ഒന്നിച്ച് പഠിച്ചു 

നീ പറഞ്ഞു ഞങ്ങള്‍ പ്രണയത്തിലാണെന്ന് 

ഞങ്ങള്‍ മനസ്സ് പങ്ക് വച്ചു

നീ കരുതി ഞങ്ങള്‍ കമിതാക്കളാണെന്ന് 

ഞങ്ങള്‍ ഒന്നിച്ച സ്വോപ്നം കണ്ടു 

നീ കരുതി ഞങ്ങള്‍ പ്രണയത്തിലാണെന്ന് 

പക്ഷെ, നീ അറിയുന്നില്ലല്ലോ 

ഞങ്ങള്‍ "വെറും പ്രണയത്തിലല്ലെന്നു"

നീ ഇത് അറിഞ്ഞോളൂ 

ഞങ്ങള്‍ സുഹൃത്തുക്കളാണ്